Қазақстанның стриминг қызметі — Kino Köru жаңадан іске қосылды. Бұл онлайн-кинотеатр Halyk Finance Service (Halyk тобы) және Қазақстандағы жетекші телеком-операторларының бірі alma PLUS-тың серіктестігімен құрылды. Платформа еліміздегі ең ауқымды ойын-сауық контенті кітапханасына айналуға уәде беріп отыр.
Kino körü-дің көрермендері эксклюзивті ойын-сауық және спорт контентін тамашалай алады. Жазылым 80 000-нан астам фильмдер, сериалдар және ең танымал ТВ арналарға қолжетімділік ұсынады. «Караоке» функциясы пайдаланушыларға өз құрылғыларында кез келген уақытта сүйікті музыкалық композицияларды орындауға мүмкіндік береді.
Halyk басқарма төрағасының орынбасары Нариман Мукушевтің айтуынша, Halyk жыл сайын kino.kz сервисін белсенді дамытып, билет сату нарығында көшбасшыға айналды. Клиенттерге цифрлық өнімдерді пайдалануды біртіндеп үйрету арқылы банк келесі қадам жасауға шешім қабылдап, ыңғайлы әрі қолжетімді онлайн кинотеатр құрды.
Кез келген клиент kino.kz арқылы мобильді қосымшада бірнеше шерту арқылы kino körü жазылымын қосуға мүмкіндік алады. Сонымен қатар, төлемді Halyk Super App қосымшасы арқылы жасауға болады.
«Kino körü» жазылымына стриминг нарығының ірі ойыншылары Amediateka, viju, Premier, Megogo және тағы басқа контент кітапханалары кіреді, олар ай сайын жаңа контентпен жаңартылып отырады. Qazaqsha және Silk Media Channels каталогтарының арқасында пайдаланушылар сүйікті Голливуд фильмдерін қазақ тілінде тамашалай алады. Halyk тобының серіктес жобасы Қазақстанда онлайн-продакшнның дамуына тағы бір маңызды қадам болып табылып, түпнұсқалы қазақстандық контентті әзірлеуге және көрсетуге мүмкіндік береді» — деді Сергей Хомутов, «Алмателекоммуникейшнс Қазақстан» АҚ-ның коммерциялық мәселелер бойынша басқарма төрағасының орынбасары.
«Kino körü» жазылымының эксклюзивті артықшылықтары арасында «SETANTA SPORT KZ+» спорт арнасының болуы, онда ең үздік спорттық оқиғаларды (EPL, MotoGP, Formula 1, KHL, UFC) трансляциялау және ЛЧ, ЛЕ, ЛК матчтарынан тікелей эфирлерді қайта көрсету, интуитивті интерфейс, әр отбасы мүшесіне арналған жеке профильдермен қарау тарихын сақтау, жазылымдарды басқарудың ыңғайлылығы және kino.kz пен Halyk Super App ішінде төлем жасау мүмкіндігі бар.
Қосымша Android және iOS негізіндегі барлық мобильді құрылғыларға қолжетімді.