Тоқаев Германия президентіне көңіл айтты.

Президент Қазақстан халқының атынан және жеке өз атынан Германияның достас халқымен бірге орны толмас жоғалтудың қайғысын бөлісе отырып, Рождество базарындағы қайғылы оқиға нәтижесінде болған адам шығындарына байланысты көңіл айтты.

"Қайтыс болғандардың отбасыларына шын жүректен көңіл айтамын. Зардап шеккендерге тезірек сауығуды тілеймін", - делінген телеграммада.

Еске салайық, 20 желтоқсанда Германияда автокөлік Рождество базарына соғылды - оқиға Магдебург қаласында орын алды. Нәтижесінде адамдар қаза тауып, жарақат алды.

"Русская служба Би-Би-Си" ақпаратына сәйкес, соңғы мәліметтер бойынша, кемінде төрт адам, оның ішінде бала, қаза тауып, он адам жарақат алды, бұл оқиға Магдебург қаласындағы Рождество базарында автокөліктің адамдарға соқтығысуы нәтижесінде болды. Алдын ала болжам бойынша, соқтығыс әдейі жасалған, рөлде 2006 жылдан бері Германияда тұратын Сауд Арабиясының азаматы болған. Ол ұсталды, шабуылдың себептері белгісіз.